يا ما حلا المقناص وقت البرادي
في خايعن توه من الوسم ممطور
وجول الحباري منتشر بالحمادي
والحر الأشقر صادهن طلعة النور


هاذي حلاة الطير وقت المقانيص
حراً تنومس من قنصبه فعوله
عن مخلبه ما للحباري مخاليص
خرب نثر ريشه وخرب يغوله


بعض الصقور إليا أنطلق صابه الخوف
يروح ويرجع ما تحصل نتيجه
والحر منها كنه البرق معروف
يبرد غليلك لا بدا في وهيجه


الحباري منوة أحرار الصقور
ولا يحول البعد دون أهدافها
لا كفكف الجنحان ما يختل شور
يلطم ويعرض ما كأنه شافها



يا طير ياللي تنتف الريش نتفا
ما ترحم اللي مامعه عنك حيله
خل الطيور تعيش يا طير تكفا
شينتها من عقب كانت جميله


الحر الأشقر أرتفع فوق الأنظار
وجاب الحباري وأرتوي من لحمها
يعجبك طيراً يسبق الريح لا طار
يحكم على الصيده ويكتم نسمها

يافرحة الصقار وياطيب فاله
لا شاف فعل الطير في صحيح البيد
لا من شهر لا من علا ثم جاله
قصاف عمر اللي شلع واللوابيد


مخالبك يا الحر عكف معاطيب
من شوفتك شغيت كبود مجاريح
قو العزوم الصايبة لازم تصيب
وراي الخطا يقفاهم وسواميح




الحر الأشقر بهدته طيح الخرب
خلا شتات الريش له بعثريره
من يوم شافه أخلقه نية الدرب
من السماء للأرض حول مصيره


الله على حداً إذا هد صادي
الله على النادر عطيب المضاريب
حراً ينومس في نهار الهدادي
لي هد جاب الصيد غصب بلاطيب


حام طير الهداد وشاف بالجو صيده
فرع قرناس وأهو بنحدار
بالمخالب يخم الريش نثرن عديدة
جابها للأرض وأنحرف باستدار


حتى الطيور الطايره بينها صراع
مثل البشر فيهم صقور وحمايم
كم من صراعاً صار بأسباب الأطماع
وحروب ما بين انتصار وهزايم



اللي نشوفه زيلة طيور والريش
مثل الحوايم بالسمابس من وين
يظهر على الأسر صواب وتخاميش
واللي على يمناه ما به تخامين


يا الربع مقناص ودي بمسراحه
أسرح بيومي وليلي أسري به
أشوف صقرن يلاطم طير بأجناحه
ريش الفريسه تبعثرها مخاليبه


ما ينفع الحذر وحراسه
الحر باغتك بهجومي
الخرب جاكم على راسه
وصار الجسد بالهوا يومي